Uztailaren 10ean izandako ez-ohiko plenoan, Aholku Kontseilua sortzea erabaki eta berau arautuko duen erregelamendua onartu zen.

Oiartzungo aparkaleku ezberdinetan OTA- makinen baliogabetzea dela-eta erabakiaren zergatia.

Parkea natur aberastasunak eta herritarren gozamenerako eserleku, eremu eta paseoak batzen dituen inguru berezi batean bilakatu da

Parking berriak 100 aparkaleku berri eskaintzen ditu errotazioan, TAO sistemarekin

Arrasaten dagoenekeko aurkeztua izan den liburua oiartzuarrei ere gerturatzea da aurkezpenen honen xedea, Iñarraren bizitza interesgarria jakitera emateko

Parte-hartzaileek martxoaren 30a baino lehen aurkeztu beharko dituzte euren proiektuak

Oroitzapenezko ekitaldiak otsailaren 3an ospatuko dira, eta besteak beste txistulariak eta gaita-joleak egongo dira

400 etxebizitza babestu eraikiko dira eta urbanizaziorako eta ekipamenduetarako 33 milioi baino gehiago inbertituko dira

Zozketa publikoa izanen da, notario aurrean eginen da eta Etxebidek gainbegiratuko du

Arau berriek Oiartzun herrirako ekipamendu eta azpiegitura garrantzitsuez gain, ia 1000 etxebizitza babestu aurreikusten dituzte

Estatu osoko eskultore kontrastatuek 27 proiektu aurkeztu dituzte, guztiak kalitate handikoak, kokaleku berezi honetarako

Dagoeneko eskaintzen zituen ibilbideez gain, Altzibar auzoa eta Arraguako Mendi ere zerbitzura gehitu dira

Xabistebanetan hesiak zaintzen

Ingurumenarekiko geroz eta ardura handiagoa dugulako, kutsadura murrizteko geroz eta esfortzu handiagoak egin behar ditugu denon artean. Egungo kutsadura horren erantzule nagusia motordun garraioa dugu. Horregatik, eta gizartean hain barneratua dagoen garraio eredu honek sortzen dituen arazoez jabetzeko, Europako herrialde ezberdinetan Europako Mugikortasun Astea ospatzen da irailaren 16tik 22ra.

Jendearen aldetik jaso duen erantzun ona ikusita Gipuzkoa, Bizkaia, Nafarroa eta Arabako hainbat liburu-dendetan salgai ipini da.

Jendearen aldetik jaso duen erantzun ona ikusita Gipuzkoa, Bizkaia, Nafarroa eta Arabako hainbat liburu-dendetan salgai ipini da.

‘Oiartzun-Etiopia Elkarlanean’ Hamabostaldi Kulturalaren baitan, bi argazki erakusketa eta lau hitzaldi prestatu dira Etiopia, nahiz bertoko biztanleen bizimodua oiartzuarrei gerturatzeko asmoz. Oiartzungo Udala, Oiartzungo Parrokia, Harri-Beltza elkartea, Unai Samsó eta Oskar Zapirainen laguntzarekin antolatu eta Kutxak babestutako hamabostaldi honen ardatzetako bat, jendaurrera irekiko diren bi argazki erakusketak dira.

Etxebizitzak, aparkalekuak eta plaza berri bat eraikitzeko lanak aurrera doaz eta etxebizitzetara joan ahal izateko pasabidea ere egiten ari dira.

Elizalde plazan kokatuta dagoen Mendiburu lorategia bere onera ekartzeko lanak hasi dira. Udalak kontratatutako Tecnatura enpresako langileak lorategi honi bere berezko ezaugarriak bueltatzeko ahaleginetan ari dira dagoeneko, ingurune hau jende guztiarentzat berreskuratua izan dadin.

Udal-zergen gaineko hobariak eskatzeko epea, otsailaren 28ra arte izango du Udalak zabalik. Onura gehien eskuratuko dituen taldea, familia ugariena izango da eta iaz sortutako hobari bati esker, pertsona ezinduren baten kargu egiten diren familiei ere nabarmenki murriztuko zaie Ondasun Higiezinen gaineko Zerga.

Kultur etxe berriaren ezaugarriak finkatzeko deituko den ideia-lehiaketaren baldintza-agiria onartu du udalbatzak. Ekipamendu berria Ibargain parkean eraikiko da, Telefonicaren eraikinaren ondoan, eta hutsune handi bat beteko du, orain arte Oiartzunek ez baitu herriko kultur eskaintza osoa erarik erosoenean biltzeko gai den eraikinik.

Udalbatzak Fermiñene izenaz ezagunagoa den Elizalde Nagusia eraikinaren birmoldaketa proiektua onartu du berriki. Oiartzungo Udala da, hain zuzen, XV. mendeko baserri baten hondarren gainean XX. mendearen hasieran molde frantziarrei jarraiki egin zen eraikinaren jabea. Egoera tamalgarrian dago eraikina azken urteotan.

Oiartzungo Udalaren ekimenez kaleratu den argitalpen honen gertuko xedea, jolas tradizionalak haurren artean ezagutzera ematea da. Zinta karrera, zibotak, kanikak, goitiberak… Horietako asko galtzen ari zirela ikusirik ikerketa lan mardula egin dute Nekane Martiarena, Xabier Susperregi eta Iñigo Izargarai egileek eta ikerketa horren emaitza, 200 joko ezberdin lantzen dituen liburua da.

Iturriotz auzoan laster eraikiko dituzten 52 Babes Ofizialeko etxebizitzetarako izena emateko epea pasa den abenduaren 31ean bukatu zen. Ordura arte, Oiartzungo Udaletxean 142 eskaera aurkeztu ziren eta hauei Etxebiden egindako 474ak gehitzen badizkiegu, guztira 616 pertsonek izena eman dute promozio honetarako.

Larunbata honetan, otsailak 4, eguerdiko 12:00tan, Manuel Lekuona liburutegian, Daniel Castelao elkarte galiziarrak Oiartzungo Udalaren laguntzaz, urtero bezalaxe, omenaldi bat eskainiko dio Kontxa Murgia Egañari. Galiziar abertzaletasunaren aitzindari izandako Manuel Martinez Murgia idazlearen ama izan zen. Oiartzunen 1806.urtean jaioa eta Santiago de Compostelan 1854. urtean hil egin zen.

Oiartzungo Arau Subsidiario berrien egiteak eta onarpenak partehartze publiko handia izan du. Laurogei iradokizunetik gora jaso dira dagoeneko urtarrilean. Udalbatzarrean Aurrerapen dokumentuaren onarpenarekin batera 2005eko irailean hasiera eman zitzaion prozesuari eta jendaurrean egon da urtarrilaren 9a arte.

Oiartzungo Udaleko Prebentzio Kontseiluak alkoholaren kontsumoei, erabilera kulturalari eta osasunaren sustapenari buruzko Herri Topaketa antolatu du datorren larunbaterako (azaroak 26). Goizean zehar luzatuko den saio irekia –herritar guztiak daude parte hartzera gonbidatuta- udaletxeko pleno aretoan egingo da eta, Martin Beramendi alkatearen hitzetan, “gaiak duen interesa eta eragina kontuan harturik, oso-oso garrantzitsua iruditzen zaigu herritarren partaidetza ahalik eta zabalena lortzea, guztion ekarpenak baitira baliagarriak Oiartzungo herriarentzat”.

Udal Osoko Bilkurak CESPA enpresari esleitu berri dizkio, datozen zortzi urtetarako, Oiartzungo zarama bilketa eta kaleen garbiketa zerbitzuak. Lehiaketan lau enpresek izena eman zuten: Urazca-k, Zerbitzu Elkartea-k, FCC-k eta CESPA-k. Azken hau kontainerretako zarama jasotzeaz arduratzen zen orain arte.

Arditurriko txabolaren eraistea dela eta, gutxiengo batek izan duen erreakzio desegokiari buruz ondorengoa adierazi nahi du Udalak: Aipaturiko txabola udalarena da eta Arditurriko meatze-arroan kokatuta dago. Bertan Udala nahiz Eusko Jaurlaritza berreskuratze lanetan ari dira eta orain arte 2 milioi euro baino gehiago inbertitu dituzte.

Udalak jasangarritasunaren alde eta energia garbien alde lan egiten jarraitzen du eta bi zentral hidroelektriko eraikitzeko pausu berriak eman ditu. Alde batetik, dagoeneko udalarena den Penadegikoa dugu. Bestetik, Galtzaraberrikoa. Eusko Jaurlaritzak berau martxan jartzeko beharrezkoa den ur-emariaren kontzesioa emango balu, udalak erosiko lukeela adierazi du.

Obren brigadak egun erabiltzen duen udal ibilgailuen gordailuan aparkaleku berriak egin nahi ditu udalak. Hau lortu asmoz, erabaki berriak hartu ditu udalak azken udal batzarrean. Esaterako, Landetxeko eraikinean egun pilatzen den material guztia toki berri batera eraman nahi du udalak eta horretarako pabilioi baten alokatzeko lehiaketa publikoa iragarri du.

Iturriotz auzoko sarbideak hobetu asmoz, bertan errotonda bat egiteko proiektuari onespena eman berrio dio udalak. Datozen asteotan Eraiki Kontsultorak egindako proposamen teknikoa jende aurrean jarriko da eta nahi duenak alegaziorik aurkez dezake.

Oiartzungo Udalak joan den ekainaren 9an eginiko Osoko Bilkuran, Madalensoro frontoiaren azpiko aparkalekuen alokairuaren konkurtsorako baldintzak onartu zituen. Beheko Plazako obra amaitzera doa, bertan, Udalak bi aparkaleku mota eskainiko ditu: alokairuzko 47 eta txandakako 62. Bi kasuetan aparkalekuarengatik ordaindu egin beharko da.

Obra hauek amaitzearekin batera lur azpiko 109 aparkaleku martxan Gaurtik aurrera, Beheko Plaza azpian geratzen ziren 62 aparkalekuak erabilgarriak dira. Honi esker, Beheko Plaza azpian alokairuzko 47 aparkaleku eta txandakako 62 aparkaleku erabilgarriak dira gaurtik aurrera. Lur azpiko aparkaleku honetan 62 plaza txandakakoak izango dira eta 24 orduz irekita egongo da egunero.

Ingurumenarekiko geroz eta ardura handiagoa dugulako, kutsadura murrizteko geroz eta esfortzu handiagoak egin behar ditugu denon artean. Egungo kutsadura horren erantzule nagusia motordun garraioa dugu. Horregatik, eta gizartean hain barneratua dagoen garraio eredu honek sortzen dituen arazoez jabetzeko, Europako herrialde ezberdinetan Europako Mugikortasun Astea ospatzen da irailaren 16tik 22ra.

Euskal Herriako eta Beheko Plazako lurrazpiko aparkalekuetan ordaindu egin beharko da astelehenetik aurreraDatorren astelehenetik (hilak 19) aurrera, ordaindu egin beharko da Beheko Plazako eta Euskal Herria plazako lurrazpiko aparkalekuak erabiltzeagatik. Bi aparkalekuetan izango dira txandakako plazak: 62 Beheko Plazakoan eta 84 Euskal Herria plazakoan.

Oiartzungo Udalak herri barruko bidaiak merkatzeko lanean dihardu Aurtengoan, Mugikortasunaren Astean autobusa ez da dohainik izango. Azken bi urteetan, alegia, Udalak autobus bidaiak finantzatzen zituen aste jakin horretan, garraio publikoa bultzatzeko eta oiartzuarrak garraio publikora hurbiltzeko asmoz.

Prentsa ohar honen bitartez, Oiartzungo erdigunea biziberritzearen premia azpimarratu nahi du Oiartzungo Udalak. Oiartzun tamaina ertaineko herria izan arren -9.800 biztanle ditu- herri handiagoen gertutasunak, auzoen sakabanaketak eta etxebizitzen dispertsioak ez diote utzi sendotzen erdiguneari. Tamaina berdintsuko beste herri batzuekin konparatuz gero, nabaria da aipatutakoa.

Hasiak ditu Oiartzungo udalak bariantean hiru semaforo jartzeko lanak. Gaur egun, oso arriskutsua da oinezkoentzat bariantea gurutzatzea, eta hiru semaforo horiek asko arinduko dute arazoa, oinezkoei pasabide seguruak eskainiko dizkietelako eta autoak motelago ibiltzera behartuko dituztelako.

Saharar herriari elkartasuna agertzeaz gain, adierazpenak Marokoar Gobernuak nazioarteko legeak errespetatu ditzan lortu nahi du, horrela, sahararrek autodeterminazio erreferendum bat burutzeko aukera izan dezaten.
Otsailaren 27an, 30 urte beteko dira Saharar Errepublika Arabiar Demokratikoa (SEAD) aldarrikatu zela eta Euskal Fondoaren Sahara Koordinazio Unitateak eta ‘Bakea eta Askatasuna Saharan’ Eusko Legebiltzarkideen Taldeartekoek, Fronte Polisarioaren ordezkaritzarekin batera, ekimen multzo bat sustatu dute halako data garrantzitsua ospatzeko.

Arraguako Planaren zuzenketak behin betiko testua Plenoak onartu zuen 50 urte luzez martxan egon ondoren, Oiartzungo Arragua auzoan kokaturik dagoen Mármoles Ureche enpresaren lan aktibitatea bukatu egin da. Orain, Errenteriako Egiburu berri Poligonora aldatu da. Itxiera pixkanakakoa izan da. Pasa den abenduan gaueko txandako etenari eta inguruko itxiturari ekin zitzaion. Ondoren, otsailean, eraispen eta hustutze lehen lanei ekin zioten.

Oiartzungo Bake Epaitegiak jaso duen molotov koktelen erasoaren aurrean, udal gobernuko taldeak zera adierazten du...

‘Oiartzungo Landa Eremuko Biztanleen Ongizate Beharren diagnosia’ azken sei hilabeteetan zehar garatu da. Oiartzungo baserri eta landa inguruneetan garatu den ikerlan honen xedea, egun baserrietan bizi diren biztanleen egoera sozio-ekonomikoa eta ongizate beharrak ezagutzea izan da eta bide batez, gizarte zerbitzuekiko dituzten beharrak aztertzea.

Hemen sartu behar duzun berriaren laburpena

Hemen sartu behar duzun berriaren laburpena