Oiartzuarrak / Juan Mari Lekuona
Julen Lekuonaren omenezko kantaldia
Julen Lekuona oiartzuarra, “Ez dok amairu” euskal folklore mugimendu aski ezaguneko kide izan zen. Itzulpengintzan edo antzerki lanetan saio bat edo beste egin bazuen ere, euskal kantagintzan egin zuen bere ekarpenik handiena. Aurtengo uztailean bete da urtea hil zelarik.
Oiartzungo Udalak, Julen Lekuona gogoratuz, bere figura omentzeko aspaldiko euskal abestigintzako protagonistekin jaialdia antolatu zuen eta omenezko ekitaldi sortaren artean ere, bere lana gogoan hartzeko baliagarri izan den argitalpen bat diruz laguntzea (Egan aldizkaria) erabaki zuen.
Musika jaialdi hau Elorosoro kiroldegian ospatu zen azaroaren 13an eta bertan parte hartu zuten bere familiak Julen Lekuona gogoratuz atera berri duen diskan parte hartu duten abeslari gehienek.
