Hirigintza garapena

 

Prozedura
___________________

Informazioa
___________________

Lizentziak tramitatu
___________________

Obra txikiak
___________________

Hirigintza garapena
___________________

Salaketen tramitazioa
___________________

Harremana
___________________

 

 

HIRIGINTZA GARAPENA. PLANGINTZA ETA KUDEAKETAREN ARLOKO PROPOSAMENAK

Deskribapena

• Dagokion kasuari zein legeria eta araudi aplikatzekoa zaion, eta egindako eskaera ukatu edo onartzeko arrazoiak zein diren zehaztuko duen txosten teknikoa bideratu eta ematea.

• Irizpena ematea, lizentzia-eskaera ebazteko proposamena, txosten teknikoan oinarritutakoa, organo ebazleari helarazteko.

Hartzaileak

Hirigintza-garapenari buruzko planean eragina duen berariazko jardun baterako baimena eskatu nahi duen edozein oiartzuar, lurren jabe izan ala ez.

Baldintzak

• Berariazko baimenak eskatzeko, kasuak kasu eskatutako agiriak aurkeztu beharko dira.

• Nolanahi ere, erantzun pertsonala jasotzeko, beharrezkoa da izen-abizenak, helbidea eta harremanetan jartzeko beste datu batzuk adieraztea, ondorengo jakinarazpenetarako.

Eskatzeko epea

• Lizentziak eta baimenak eskatzeko, printzipioz, ez dago eperik. Nolanahi ere, lursail edo hirigintza-zona bakoitzari dagokion araudia ezagutzea komeni da, hirigintza-planek indarraldi jakin bat izan ohi dute eta.

• Epe bati lotuta dauden izapideetarako (hala nola, hirigintza-planak bideratzean alegazioak eta iradokizunak aurkeztekoak), epe hori legeriak oro har ezarritakoa nahiz Udalak jardun jakin baterako berariaz onartutakoa (jardun horretarako epe luzeagoa beharko balitz) izango da.

Aurkeztu beharreko agiriak

• Bada eskaera-eredu bat eskuragarri Udalaren Erregistro Orokorrean. Inprimaki hori baliagarria izango da informazio-eskaerak, kexak eta iradokizunak aurkezteko, edota baimena eskatzeko asmoz aurkezten den proiektuari eransteko.

• Inolako formaturik gabeko idatzia ere baliozkoa da, baldin eta eskatzailearen datuak eta eskaeraren edukia jasotzen badira.

• Agiri gehigarrietan, funtsean, eskaeraren edo idatziaren xede den lursaila edo zona identifikatuko da. Agiri horiekin batera, beharrezkoa denean, proiektu teknikoa aurkeztuko da.

Ebazteko epea

Obra handietarako lizentziak hiru hilabetetan ebatziko dira.

Jaso beharreko agiriak

• Idatzia jaso izanaren agiria; hura ebazteko epea nahiz, hala badagokio, isiltasuna edo erantzunik eza adierazita. Agiri hori bidaltzen da legerian hala araututa dagoelako eta Udalak eskakizun hori nahitaez bete behar duelako.

• Egindako eskaeraren erantzuna, informazio gisa nahiz lizentzia edo baimen gisa. Erantzuna baiezkoa edo ezezkoa izan daiteke. Beste batzuetan, berriz, partikularrari informazio gehiago ekar dezan edo agiri osagarriak aurkez ditzan eskatzera mugatu daiteke.

Administrazio isiltasunaren ondorioak

Ebazteko epea igaro ondoren arrazoitutako erantzunik jaso gabe, "administrazio-isiltasuna" delakoa sortzen da.

Oro har, hirigintza-gaietan isiltasunak ondorio positiboa du, hau da, partikularrak egindako eskaeraren aldekoa da.

Hala ere, kontuan izan behar da isiltasunik ez dela egongo epea eten egiten bada partikularrari informazio osagarria eskatzeagatik, edota bestelako administrazio batek nahitaezko txostenen bat emateko zain egonez gero (batez ere, jarduerekin, ingurumenarekin eta hirigintza-planekin zerikusia duten gaietan).

Gainera, hirigintzari buruzko legeak ezartzen du isiltasunak ez duela aldeko ondoriorik izango, indarrean dauden legeetan eta planetan ezarritakoaren kaltetan baldin bada.

Prozedurak

Partikularraren idatzia jaso ondoren jarraitu beharreko prozedura funtsean beti bera da:

• Teknikari eskudunaren txostena. Teknikari eskuduna udal-arkitektoa izan ohi da. Hala ere, zenbaitetan, beste batzuen laguntza izan dezake, hala nola, mendi-teknikariarena, aparejadorearena, aholkulari juridikoarena, etab.

• Hirigintza Batzordearen irizpena. Batzordea udal-talde guztietako zinegotziek osatzen dute, eta ebazteko eskumena duen udal-organoari helarazi beharreko ebazpen-proposamena egiteaz arduratzen da.

• Organo eskudunaren ebazpena. Alkateak, Tokiko Gobernu Batzordeak nahiz Udalbatzak ebatziko du, dagokion gaiaren arabera. Hirigintza-gaietan, obra txikiak eta informazio-eskaerak Alkatetzaren edo zinegotzi ordezkariaren dekretu bidez ebazten dira, obra handiei eta jarduerei buruzko erabakiak Tokiko Gobernu Batzordeak hatzen ditu, eta hirigintza-planei buruzkoak Udalbatzak.

• Ebazteko denbora, besteak beste, horren arabera dago. Izan ere, Udalbatza hilean behin biltzen da, eta Tokiko Gobernu Batzordea hamabost egunean behin.

• Partikularrari jakinaraztea. Jakinarazpen horretan, hala badagokio, ebazpenaren aurka jar daitezkeen errekurtsoen berri eman, eta horiek aurkezteko epea eta organoa zein diren adierazi behar zaio.

Errekurtsoak

Eskaera behin betiko ebatziko duten erabakien aurkako errekurtsoak dagokion auzitegian aurkeztu ahal izango dira, gehien-gehienetan Donostiako Epaitegian, jakinarazpenetik bi hilabeteko epean.

Dena den, nahi izanez gero, Udalean bertan berraztertzeko errekurtsoa aurkezteko aukera dago, jakinarazpenetik hilabeteko epean. Errekurtso hori gaia berriro planteatzeko eskaera antzeko bat da, ebazpena eman duen organoari berari egiten zaiona.

Administrazio-errekurtso hori baliatuz gero, epaitegian errekurtsoa aurkezteko epea atzeratu egingo da, Udalak berriz ere ebatzi arte.

Araudia

Hirigintza-legeria orokorraz gain, Oiartzunen, udalerri osorako plangintza-dokumentu orokorra dago onartuta. Dokumentu hori 1991ko ekainaren 25eko Arau Subsidiarioek, eta horiek garatzeko izapidetu diren plan partzialek eta bereziek osatzen dute.

Hirigintzan: Done Eztebe plaza, 8 - Txipitone. 20180 OIARTZUN - Telefonoa: 943 490377 Faxa: 943 491405
Ordutegia: Urteko egunero, 8:00tik 14:00etara